Didattica do Museo do Zena

O Museo o propoñe de attuvitæ didattiche destinæ a-i alunni de scheue de tutti i ordini e graddi, a-i figgeu e a-e famigge.
O Serviçio Didattica o peu contâ in sce do personale esperto e qualificou inta progettaçion e into svolzimento de di percorsci tematichi, con vixite animæ in museo e attivitæ creative in laboratöio.
I progetti, de carattere multidisciplinare, an l’intendimento de approfondî e tematiche evidençiæ inti programmi scolastichi, de mòddo che i figgeu peuan capî megio, verificâ e sperimentâ i savei impreixi à scheua.
À traverso a metodologia narrativa e a dinamica do zeugo i operatoî avvixinian i alunni a-o patrimònio do museo mettendolo in relaçion con quello do territöio, int’unn’esperiensa emoçionale e coinvolzente.

Domande frequenti

Comme fasso à prenotâ e propòste educative?
Beseugna descarregâ o mòdolo de inscriçion, compilâlo inte tutte e seu parte e mandâlo pe mezo de unna scanscion via mail, à l’indirisso didattica@fondazionegenoa.com, ò donca portâlo direttamente a-o personale da “Fondazione Genoa” lì da-o Museo da Stöia do Zena.

Modulo Inscriçion Laboratöi
Existe unna disponibilitæ limitâ pe-a prenotaçion di laboratöi?
A disponibilitæ a l’è limitâ à un mascimo de 13/15 figgeu, pe garantî di standard adeguæ. L’è poscibile conosce a disponibilitæ consultandone telefonicamente a-o numero 010 553 6711 (da-o mätesdì a-a venardì, da-e oe 10 a-e 18).
Se o mòdolo de prenotaçion o no vëgne firmou inte tutte e seu parte, o l’è valido o mæximo?
No, o mòdolo o dev’ëse compilou inte tutte e seu parte e firmou.
Quante costa l’attivitæ educativa?
I laboratöi in areo son de badda, ma dipende da-o scingolo laboratöio.