A “Fondazione Genoa 1893 ETS” a l’è impegnâ inta construçion di rappòrti de conlaboraçion e paretçipaçion in arrembo a-o Museo, in coinvòlze inte attivitæ colturali di enti, de instituçioin e de societæ che ne scompartiscian a miscion e i intendimenti instituçionali.
I ponti de contatto tra a Fondaçion e e aziende son diversci. Pe soddisfâ i obiettivi de business e de reo in scî investimenti, con rafforsâ into mæximo tempo o ligamme co-o territöio, o “Museo” o propoñe unna serie articolâ de programmi de sponsorizzaçion, realizzando, se se veu, di progetti specifichi con l’intendimento de valorizzâ l’identitæ e o “core business” de realtæ che appartëgnan a-o mondo de l’impreisa. Un di obiettivi strategichi do Museo o l’è o crescio di vixitatoî e de neuve generaçioin. O programma de l’“Area Educazione” do museo o se rivòlze à un pubrico de grendi, a-e famigge, a-i insegnanti, i vixitatoî con de neçescitæ speciali.
Supportâ l’“Area Educazione” do Museo do Zena permette de parteçipâ a-i laboratöi creativi do museo. Unn’opportunitæ straordenäia, in termini de communicaçion, pe l’imagine de unn’azienda, che a peu benefiçiâ into corso de l’anno de diversci momenti de consolidamento di rappòrti co-a communitæ locale. A-e impreise che aderiscian a-o programma “Sponsor Area Educazione”, o Museo o peu offrî anche a coprogettaçion de di progetti speciali de formaçion.
Anche a biblioteca e l’Archivio an delongo beseugno de cue pe avvardâ e valorizzâ inta megio mainea o patrimònio de libbri e documenti do museo, pe accheugge i studdioxi e i riçercatoî e garantî a fruiçion completa de pubricaçioin e di documenti conservæ e donæ a-a “Fondazione”. Diventâ sponsor da Biblioteca e de l’Archivio veu dî conlaborâ attivamente comme Partner tecnico e Partner de Progetto.
